Муфтият-FM

Кимде-ким бир жакшылыкка себепкер болсо, аны аткаргандай сооп табат!

Намаз убактысы

Багымдат
04:25
Күн чыгышы
06:10
Бешим
13:00
Аср
17:50
Шам
19:52
Куптан
21:24

Жоробай ажы Шергазыев

Кыргызстан мусулмандарынын Азирети муфтийинин орун басары Жоробай ажы  Шергазыевдин кыскача өмүр таржымалы  

Жоробай Шергазыев 1974-жылы 27- августа   Баткен облусунда жарык дүйнөгө келген. 1992-жылы Баткен районундагы Жоомарт Бөкөнбаев атындагы орто мектепти бүтүрүп, ошол эле жылы Бишкектеги «Хазрат Умар» атындагы медресеге тапшырып, белгилүү дин аалымдары болгон Молдо Хашим жана Молдо Газылардан сабак алып, Кыргызстан мусулмандарнын  диний башкармалыгы тарабынан Египеттеги бүткүл дүйнөлүк «Ал-Азхар» университетине жөнөтүлгөн. 2004- жылы «Ал-Азхар»  университетинин «Шариат» факултетин ийгиликтүү аяктап, ошол эле жылдары «Ал-Азхар» университетинин магистратурасында өзүнүн билимин жогорулаткан.  2006-2009-жылдары Египеттин муфтиятындагы үч жылдык атайын фатва берүүгө даярдоо окуусун ийгиликтүү аяктап, ошол муфтиятта  2009-2010 жылы тажрыйба алуу максатында бир жыл эмгектенген. 2013 -2015 жылдары К.Карасаев атындагы Бишкек гуманитардык университетинин “Чыгыш таануу жана эл аралык байланыштар” факултетинин магистратурасын аяктаган.

2010–жылы Кыргызстан ислам университетине мугалим болуп эмгектенген.
2011-жылдан тарта «Ыйман» мечитине имам хатиб, 2011-жылы Кыргызстан мусулмандарынын дин башкармасынын фатва бөлүмүнө адис эмгектенсе,  2013-жылдан тарта  фатва бөлүмүнүн башчысы болуп иштеп келген.  Ал эми  2016-жылдын феврал айынан тарта  Азрети муфтийдин орун басары кызматын аткарып келүүдө.

Республикалык Куран жарышынын жеңүүчүлөрү аныкталды (ТИЗМЕ)

Muftiyat.kg/ 2-март/ Бүгүн, 2-мартта Бишкек шаарынын борбордук мечитинде Республикалык Куран жарыштын жыйынтыгы чыгарылып, жеңүүчүлөргө акчалай сыйлыктар тапшырылды. Жеңүүчүлөрдү сыйлоо аземине Кыргызстан Мусулмандарынын Азирети Муфтийинин орун басары Жоробай ажы Шергазыев, КМДБнын окуу бөлүмүнүн башчысы Акимжан ажы Эргешов, Кувейт мамлекетиндеги Куран жаттатуу бөрборунун өкүлү, КР Дин иштери боюнча мамлекеттик комиссиясынын өкүлү жана Бишкек шаарынын мусулмандар казысы Садридин ажы Маджитов катышты.

Бишкек шаарында өтүп жаткан республикалык Куран жарышта өлкө аймагынан келген 82 улан ат салышууда

Muftiyat.kg/ 1-март/ Бүгүн, 1-мартта Бишкек шаарындагы борбордук мечитте республикалык Куран жарышы башталды. Куран жарышына өлкө аймагындагы тандоо турунан өткөн талапкерлер катышып, өз күчтөрүн сынашууда.

2018-жылдагы республикалык Куран жарышынын ачылыш салтанатына Кыргызстан Мусулмандарынын Азирети Муфтийинин орун басары Жоробай ажы Шергазыев, КМДБнын окуу жайлар бөлүмүнүн башчысы Акимжан ажы Эргешов жана бир катар коноктор катышууда.

Быйылкы жылдагы ажылардын кийимин тигүүчүлөр белгилүү болду

Muftiyat.kg/ 22-февраль/ Кыргызстан Мусулмандарынын Дин Башкармалыгынын жыйындар залында 2018-жылдагы ажыларга кийим тигүүчү тараптар ортосунда конкурс өттү.  Конкурска ажылыкты уюштуруу боюнча убактылуу республикалык штабынын мүчөлөрү катышып, ажыларга тигилүүчү кийимдер менен дыкат таанышып чыгышып, кездеменин сапатына, кийимдин ыңгайлуулугуна, коопсуздук эрежелеринин сакталышына көңүл бурушту. Жалпысынан конкурска 9 талапкер ат салышып, өздөрү даярдап келген ажылардын формасы менен тааныштырышты.

Азирети Муфтийдин орун басары Орусия Ислам Университетинин проректору менен жолугушуп, билим берүү жаатында пикир алышты

Muftiyat.kg/ 22-февраль/ Кыргызстан Мусулмандарынын Азирети Муфтийинин  орун басары Жоробай ажы Шергазыев Башкортостан Республикасынын Орусия Ислам Университетинин проректору Ахметов Мурсаль Альбертович менен жолугушту. Эки тараптуу жолугушуу алкагында  эки өлкөнүн диний билим берүүдөгү алакалары, жетишкендиктери, биргелешип иштөө жаатында пикир алышты. 

Азирети Муфтийдин орун басары Талас казыятынын ишмердүүлүгү менен жеринде таанышты

Muftiyat.kg/ 17-январь/ Кыргызстан Мусулмандарынын Азирети Муфтийинин орун басары Жоробай ажы Шергазыев Талас облусунун мусулмандар казыятынын ишмердүүлүгү менен жеринде таанышып, Талас облусунун мусулмандар казыятынын 2018-жылы аткара турган иштеринен кабар алды. Ал эми облус казысы Таалайбек ажы Бапиев бирдиктүү жума хутбасы бардык имамдарга жеткирилип, ишке ашырылып жаткандыгын маалымдап, КМДБ тарабынан келген тапшырмалар аймактагы имамдарга өз учурунда берилип жаткандыгын билдирди.

Талас облусундагы имамдардын билимин жогорулатуу максатында уюштурулган окуу семинары жыйынтыкталып, имамдарга сертификаттар тапшырылды

Muftiyat.kg/ 17-январь/  Кыргыз Республикасынын Президенти Сооронбай Жээнбековдун 2018-жылдагы Региондорду өнүктүрүү жылы деп жарыялоо жөнүндөгү Жарлыгына ылайык Талас облусундагы дин кызматкерлердин  билим деңгээлин  жогорулатуу боюнча окуу семинары аягына чыкты . Семинар «Аймактагы имамдардын квалификациясын жогорулатуу» долбоорунун алкагында уюштурулуп,  Талас облусу боюнча 50 имам өз билимин жогорулатып, Муфтияттын атайын сертификатына ээ болушту .

Подписка на RSS - Жоробай ажы Шергазыев