(Эй Мухаммад), ушул Китепте (Куранда) Мариямды эстегин: Ал өз үй-бүлөөсүнөн четке - күн чыгаар тарапка барып, алардан жашынып алган чагында Биз ага Өз рухубузду - (Жебрейилди) жибердик. Анан ал (Мариямга) бүтүн (дана) адам болуп көрүндү.

Намаз убактысы

Багымдат
05:51
Күн чыгышы
07:21
Бешим
12:46
Аср
16:23
Шам
18:11
Куптан
19:25

Бишкектеги «Аль-Мунара» Ислам борборун оңдоп-түзөөгө 2,5 млн сом сарпталып, жолдор асфальтталып, жарыктар орнотулду

Muftiyat.kg/ 12-август/ Бишкек шаарынын Кѳк-Жар конушундагы эң кооз мечиттерин катарына кирген «Аль-Мунара» Ислам борборунун алдындагы 3000 м² жерге демөөрчүлөрдүн колдоосу менен асфальт төшөлүп,  жарыктар орнотулуп, унаа токтоочу жайлар чийилип, арыктар калыбына келтирилди.  «Аль-Мунара» Ислам борборунун алдын оңдоп-түзөө ишине жалпысы болуп 2 500 000 сомдук акча каражаты сарпталган.

«Буга чейин «Аль-Мунара» Ислам борборунун алдыңкы тарабы боз топурак болуп чаңдап келсе, жаан-чачын болгондо жарандар үчүн абдан чоң ыңгайсыздыктарды жаратып келген эле. Эми минтип демөөрчүлөрдүн колдоосу менен асфальт төшөлүп, жарыктар орнотулуп, мекендештерибиз үчүн абдан ыңгайлуу шарттар түзүлдү»,-деди борбордун имам хатиби Нуркамал каары Мизираимов.

Ал эми «Аль-Мунара» Ислам борборунун алдын асфальтоо үчүн 1 800 000 сом акча каражаты сарпталса, жарыктарды орнотууга  200 000 сом жумшалып, оңдоп, калыбына келитрүү иштери менен кошкондо жалпысы болуп 2 500 000 сомдук акча каражаты чыгымдалган.