Муфтият-FM

Кимде-ким бир жакшылыкка себепкер болсо, аны аткаргандай сооп табат!

Намаз убактысы

Багымдат
04:21
Күн чыгышы
06:07
Бешим
13:00
Аср
17:52
Шам
19:55
Куптан
21:25

Коом

Коом

Жалал-Абад облусунун казысы Аксакалдар Кеңешинин төрагасы менен жолугушуп, эки тараптуу кызматташуу жаатында пикир алышты

Muftiyat.kg/ 20-апрель/ Жалал-Абад облусунун мусулмандар казысы Абдулазиз кары Закиров облустук Аксакалдар Кеңешинин төрагасы Садырбек Качкынбаев менен жолугушту. Эки тараптуу жолугушуунун жүрүшүндө райондук жана шаардык хатибияттар жергиликтүү Аксакалдар Кеңеши менен тыгыз кызматташуусу жана аймактарды өнүктүрүү жылынын алкагында элет жериндеги жаштар менен иштөө туурасында баарлашты.

Чүй облусунун казысы ар бир мечитке видео көзөмөл камерасын орнотууну тапшырды

Muftiyat.kg/ 20-апрель/ Чүй облусунун мусулмандар казыятынын кезектеги көчмө жыйыны Ысык–Ата районунун Кең–Булуң айылынын борбордук мечитинде өтүп, жыйынга казыят кызматкерлери, Чүй облусундагы баш имам хатибтер, Ысык–Ата районунун имамдары жана ИИМ кызматкерлери катышышты. Жыйын алкагында ар бир имамдан бир айлык отчет алынып, аткарылбай калган буйруктарды аягына чыгарууга Чүй облусунун казысы Руслан ажы Жумагулов бир жума мөөнөт берди.

Талас шаарында "Ихсан" кайрымдуулук дүкөнү ишке берилди

Muftiyat.kg/ 19-апрель/ Талас шаарындагы борбордук мечиттин жергиликтүү жамааты жана шаар  жаштарынын колдоосу менен 50 муктаж үй-бүлөгө азык-түлүктөр таратылды. Муну менен катар бул күнү Талас шаарында алгачкы ирет "Ихсан" кайрымдуулук дүкөнү ишке берилип, кайрымдуулулук максатында эл топтогон кийим-кечелер муктаждарга  таратылып берилди.

“Китеп – жашоо булагы” аттуу китеп окуу конкурсунун жыйынтыгы чыгарылып, жеңүүчүлөр аныкталды (Тизме)

Muftiyat.kg/ 19-апрель/ Кечээ, 18-апрель шаршемби күнү Каба уулу Кожомкул атындагы спорт ордосунда Кыргызстан Ислам Университети, “Дил азык” басма үйү жана “Адеп башаты” коомдук бирикмеси тарабынан уюштурулган “Китеп - жашоо булагы” аттуу китеп окуу конкурсунун жеңүүчүлөрүнө сыйлыктар тапшырылды.

Жалал-Абад казыяты тарабынан демилгеленген диний окуу жайлар арасындагы көчмө семинар «Арстанбап ата» медресесинде өттү

Muftiyat.kg/ 18-апрель/ 2014-2020-жылдарга карата кабыл алынган концепциянын багыттарын ишке ашыруу, мугалимдердин сабак берүү чеберчилигин өстүрүү, жоопкерчиликти күчөтүү, окуучулардын билим сапатын көтөрүү, инновациялык жана интерактивдик сабак өтүүнүн ыкмаларын жайылтуу максатында Жалал-Абад казыяты тарабынан демилгеленген облус казысынын бекиткен ырааттаманын негизинде көчмө семинар Жалал-Абад шаарындагы “Арстанбап ата” медресесинин кыздар бөлүмүндө уюштурулду.

Ысык-Көлдө диний абал талкууланып, жаштарга түшүндүрүү иштерин жүргүзүүнү жакшыртуу сунушталды

Muftiyat.kg/ 18-апрель/  КР Өкмөтүнүн ыйгарым укуктуу өкүлчүлүгү тарабынан облус аймагында БУУнун Кыргызстандагы туруктуу өкүлү 2018-2021-жылдарга карата дүйнө куруу приоритетин ишке ашыруу максатында “Зордук-зомбулук идеологияларына туруштук берген коомчулуктар” аталышындагы долбоор алкагында Жети-Өгүз, Түп райондорунда жана Каракол шаарында жолугушуулар уюштурулуп, коомчулуктар менен интенсивдүү иштер жүргүзүлдү.

Ажы башчылыкка талапкерлерди каттоо башталды

Muftiyat.kg/ 18-апрель/ Ажы башчылыкка талапкерлерди каттоого алуу Кыргызстан боюнча 2018-жылдын 18-апрелинен 4-май саат17:00гө чейин облустардагы Казыяттарга тиешелүү операторлор тарабынан жүргүзүлөт.

  

 

2018-ЖЫЛЫ АЖЫ БАШЧЫЛЫККА ТАЛАПКЕРЛЕРДИН ДОКУМЕНТТЕРИН КАБЫЛ АЛУУ ТАЛАПТАРЫ:

Кыргызстан Ислам Университетинин араб тили кафедрасы студенттер арасында билим таймашын өткөрдү

Muftiyat.kg/ 18-апрель/ Кыргызстан Ислам Университетинин Араб тили кафедрасы 1-курстун студенттери арасында билим таймашын өткөрдү. Конкурска Кыргызстан Ислам Университетинин ректору Абдишүкүр ажы Нарматов, араб тили кафедрасынын жетекчиси Керимбеков Алтынбек, араб тил мугалими Абдулла Криж жана КИУнун мугалимдери, студенттери катышышты. Кыргызстан Ислам университетинин ректору Абдишүкүр ажы Нарматов уюштуруучуларга ыраазычылык билдирип, катышуучуларга ийгилик каалады. 

Кыргызстан Ислам Университетинин 11 студенти Ош облустук казыятынын структураларында практикаларын өтүшөт

Muftiyat.kg/ 18-апрель/ Ош облусунун мусулмандар казысынын орун басары Нурбек кары Орунбаев Кыргызстан Ислам Университетинен практика өтөө үчүн жиберилген студенттерди кабыл алды. Аталган иш-чарага Кыргызстан Мусулмандарынын Аалымдар Кеңешинин мүчөсү Абдималик ажы Турсунбеков жана казыят кызматкерлери да катышышты. Иш-чаранын жүрүшүндө  Нурбек кары Орунбаев студенттерге жалпы казыяттын ишмердүүлүгү боюнча маалымат берип, казыят жамааты менен тааныштырды.

Жалал-Абад облусунун казысы “1-Сом” кайрымдуулук фондунун жетекчиси менен жолугушуп, кызматташуу жаатында пикир алышты

Muftiyat.kg/ 18-апрель/ Жалал-Абад облусунун мусулмандар казысы Абдулазиз кары Закиров “1-Сом” кайрымдуулук фондунун жетекчиси Тагаев Самаган Асылбекович менен жолугушуп, аймактарды өнүктүрүү, коомдо жашап жаткан муктаж жарандарга жана ар кандай ооруулар менен ооруп, операцияга жардам сурагандарга  жардам берүү, элет жеринде кайрымдуулук акцияларын уюштуруу сыяктуу бир топ маселелер боюнча пикир алышты.

Подписка на RSS - Коом