Баткен облусунун мусулмандар казыяты

Баткен облусунун мусулмандар казысы

Пазыл ажы Султанмуратов  1969-жылы Тажикстан Республикасынын Шураб шаарындажарык дүйнөгө келген. Мектеп курагына чейин ата-энесинин колунда тарбияланып, 1976-жылы Баткен районунун Палал-Ооз айылындагы “М.В.Фрунзе” атындагы мектепке 1-класска кирип, 1984-жылы 8-классты аяктаган. Андан соң Пазыл ажы Султанмуратов Баткен айылындагы №57 кесиптик техникалык окуу жайына тапшырып, аталган окуу жайды 1987-жылы аяктаган. 1987-1989-жылдары Беллоруссиянын Могилев шаарында СССРдин ички аскеринин катарында Советтик армияда кызмат өтөгөн. 1993-жылы Ош шаарындагы «Абдужапар» атындагы Ислам Институтуна кирип, 1997-жылы окуу жайды ийгиликтүү аяктап, “Имам Хатиб-Мударис” адистигине ээ болгон. 2002-жылы Баткен мамлекеттик университетинин тарых факультетин сырттан окуу бөлүмүнө тапшырып,  2008-жылы тарых мугалими адистигине ээ болгон.

Эмгек жолун  2006-2012 жылдардан баштап, Баткен районунун  баш имам хатиби болуп эмгектенген. 2012-2014-жылдары Баткен шаарындагы “Муаз ибн Жабал”  медресесинин мүдүрү. 2014-жылы Баткен шаарынын баш имам хатиби болуп эмгектенген. 2014-2017-жылдын май айына чейин Баткен облусунун казысы кызматын аркалап, 2017-жылдан 2018-жылдын июль айына чейин Баткен районунун баш имам хатиби болуп эмгектенген. Ал эми 2018-жылдын 2-июлунан тарта кайрадан Баткен облусунун мусулмандар казысы болуп дайындалды.

Баткен облустук мусулмандар казыяты

Баткен облусунун мусулмандар казыяты 2000-жылдын 14-июнунда  Кыргыз Республикасынын Адилет министрлигинен каттоодон өткөн. 2000-жылдын апрель айында Кыргыз Республикасынын Өкмөтүнүн алдындагы дин иштери боюнча мамлекеттик комиссиясынан диний уюм катары катталган.

Баткен облусунун казыятында эң алгач молдо Исраил ажы 1999-2005-жж. казы болгон. 2005-жылдан 2006-жылга чейин казылык милдетти Рахматулла Эгембердиев жетектеген. 2006-жылдын биринчи жарымында Шакир ажы Маматов жетектеп келген. Гапуров Султанали  ажы 2006-жылдын июнь айынан тартып 2012-жылга чейин казылык кызматты аркалаган. Ушул эле жылы 3 ай Ниязали ажы Арипов казылык милдетти аткарган. Ал эми 2012-жылдан 2015-жылга чейин Юсуп ажы Балтабаев казылык кызматта эмгектенген. 2015-2017-жылдын май айына чейин Пазыл ажы Султанмуратов  казылык кызматты аткарган. 2017-2018-жылдары Муса ажы Жолдошов  казылык жоопкерчиликти аркалады. 2018-жылдын июль айынан тартып экинчи ирет Баткен облусунун мусулмандар казысы болуп Пазыл ажы Султанмуратов дайындалды.

Казыяттын ишмердүүлүгү

Баткен облустук мусулмандар казыяты Кыргыз Республикасынын Коргоо Кеңешинин “Диний чөйрөдөгү мамлекеттик саясаты” жөнүндө чечимин ишке ашыруу, Матуридий акыйдасы боюнча Ханафий мазхабын бекемдөө, калк менен жүргүзүлгөн иштер (жаштар, аялдар),жергиликтүү бийлик өкүлдөрү, укук коргоо органдары менен биргелешип аракеттешүү, мечиттерди мамлекеттик каттоодон өткөрүү боюнча жүргүзүлгөн иш аракеттердин ишке ашыруу жана КМДБнан келген фатваларды, буйруктарды жана башка  иш кагаздарды тез арада Имам-Хатибдерге жана элге жеткирүү жакшы орунга коюлган. Казыят жетим балдарга, майыптарга, жакырларга, жаратылыш кырсыгына кабылган мусулман бир туугандардын көңүлүн алып, колдон келген жардамын аябастан берип келет. Баткен облусунун Казыяты Баткен шаарындагы «Баткен таңы» гезити, «Салам» радиосу жана Баткен ТВси аркылуу ар кандай диний темаларда эл менен жолугушуп турат. Баткен облусунун мусулмандар казыяты бүгүнкү коомчулуктун казыятка тиешелүү болгон ар кандай мүдөөсүн аркалап ишке ашырууда мамлекеттик жана мамлекеттик эмес мекеме уюмдар менен тыгыз иштешүүдө.

Казыяттын эмгек жамааты

 

Толук аты-жөнү Кызматы
1 Пазыл ажы Султанмуратов Баткен облусунун казы
2 Мамасабиров Нурдин Үсөнович Облус казысынын орун басары
3 Жакыпов Абдисаттар Иш башкармалык
4 Арзыкулов Махманаби Мамадиевич Үгүт-насаат жана   билим берүү адиси
5 Жайнаков Заирбек Маматович Мечиттер жана  чарба-курулуш иштери адиси
6 Авлиеев Фуркат Саноевич Катчылык, кадрлар жана маалымат  адиси
7 Бердикулов Мурза  Кожоярович Бухгалтер-кассир

Кыргыз Республикасы

Баткен шаары, Сайдиман ажы көчөсү

“Нуьмани” борбордук мечити

Тел: (03622) 5-13-20

E-mail: kazyiat.batken@mail.ru


Акыркы жаңылыктар жана иш чаралары: