Кыргызстан Мусулмандарынын Азирети Муфтийи Максатбек ажы Токтомушев расмий иш сапары менен Нарын облусунун Ак Талаа районуна барып, Баетов айылынын жергиликтүү жашоочулар менен жолугушуту. Эл менен болгон жолугушууга Ак Талаа районунун администрация башчысы Нурбек Молдокадыров, Нарын районунун администрация башчысы Семетей Черикбаев, Нарын облустук мусулмандар казысы Мамбетасан ажы Ибраев, казыят кызматкерлери, Бүткүл Дүйнөлүк Жаштар Ассамблеясынын төрагасынын орун басары Мухаммад Мади жана жергиликтүү тургундар катышып, Азирети Муфтий айыл элин биримдүүлүк менен ынтымакка, достук менен туугандык мамилеге бекем болууга жана мамлекеттин өнүгүүсү үчүн салым кошууга чакырды.
Муну менен катар Азирети Муфтий жергиликтүү айыл элин ысырапорчулукан оолак болуп, кайрымдуулук иштерин жосоого, балдарды билим аркылуу тарбиялап, алардын ыйман, адебине көңүл бурууга, ата-эне, кошунаны сыйлоого, улууларга урмат көрсөтүү менен алардын тажрыйбасын, акыл-насааттарын алууга чакырып, эн башкысы мамлекеттин тынчтыгы үчүн эли ичиндеги ынтымакты туу тутууга чакырды.
Андан соң Азирети Муфтий Бүткүл Дүйнөлүк Жаштар Ассамблеясынын демөөрчүлүгү менен курулган Абу Бакр ас-Сыддык мечит-медресенин ачылыш салтанатына катышып, мечитти курган демөөрчүлөргө ыраазычылыгын билдирди.
Эскерте кетсек, Ак Талаа районунун Баетов айылындагы Абу Бакр ас-Сыддык мечитинин курулушуна Бүткүл Дүйнөлүк Жаштар Ассамблеясы 100 миң АКШ долларын бөлсө, жергиликтүү тургундар 100 миң сомдук салым кошуп, жалпы мечиттин курулушуна 13 млн 900 миң сомдук каражат сарпталган.
