Эски сайтыбыздагы маалыматтарга көз салуу үчүн басыңыз.
“Сараңдык тозок дарактарынан бир дарак. Анын шактары дүнүйөгө ийилип турат. Ким ошол шактарынан бир шакчаны алган болсо, ошол шак аны тозокко алып барат”. Байхаки
Каракол шаарында балдар үчүн “Ильфат” окуу борбору ишин баштады. Бул окуу жай Каракол шаарындагы “Мухтарулло” мечитинин имамынын демилгеси жана жергиликтүү демөөрчүлөрдүн колдоосу менен ачылды.
Окуу борборунун негизги максаты – балдарды туура нукта тарбиялоо, адеп-ахлакка үйрөтүү жана билим берүү. Мектептен тышкары убакта балдар бул жерде билим алып, өздөрүнүн жөндөмдөрүн өнүктүрүүгө шарт түзүлдү.
Ачылыш аземине Ысык-Көл облусунун казысынын орун басары Алмазбек ажы Сагындыков катышып, окуу борборуна ийгилик каалап батасын берди. Ошондой эле Каракол шаарынын баш имам-хатиби Рустам ажы Ыбыкеев да катышып, демилгечилерге жана демөөрчүлөргө ыраазычылык билдирди.
Иш-чаранын алкагында демөөрчүлөргө ыраазычылык баракчалары тапшырылып, алардын жакшылык ишине элдин атынан терең ыраазычылык айтылды.
Катышкандар бул борбордун ачылышын кубаттап, келечекте жаш муундар үчүн пайдалуу болорун белгилешти.
