Кыргызстан мусулмандарынын Азирети Муфтийинин буйругунун негизинде Талас облусун аймагындагы мечиттерде, диний окуу жайларда жалпы ишембиликтер өткөрүлүп жатат. Анын алкагында Талас облусунун казыятынын кызматкерлери дагы тазалык иш-чарасына активдүү катышып, облус казысы Сулумбек ажы Үзеналиев баштаган казыят кызматкерлери мекеменин айлана-чөйрөсүн иретке келтирүү жана тазалоо иштерин жүргүзүштү.

Ишембилик учурунда таштандылар чогултулуп, дарактардын түптөрү жумшартылып, айланага көрк берүү иштери аткарылды. Бул иш-чара коомчулукту тазалыкка жана тартипке чакыруу, ошондой эле экологиялык маданиятты жайылтуу максатында уюштурулду.

Казыяттан билдиришинче, ишембиликтер мындан ары да үзгүлтүксүз уланат.