Чтобы просмотреть информацию на нашем старом сайте нажмите сюда.
“Сараңдык тозок дарактарынан бир дарак. Анын шактары дүнүйөгө ийилип турат. Ким ошол шактарынан бир шакчаны алган болсо, ошол шак аны тозокко алып барат”. Байхаки
Ыйык Курман айт майрамына карата Абибилла ажы Кадырбердиевдин жетекчилигиндеги Ош облустук мусулмандарынын казыятынын жамааты тарабынан Кара-Суу жана Араван райондорундагы муктаж балдар мекемелерине кайрымдуулук жардамдар көрсөтүлдү.
Атап айтканда:
Кара-Суу районунун Кашкар-Кыштак айылында жайгашкан атайын дүлөй балдар үчүн балдар бакчасына;
Кара-Суу районунун Телман айылындагы "Келечек" балдар үйүнө;
Кара-Суу районунун Коммунист айылындагы атайын дүлөй балдар мектебине;
Араван районунун Чек-Абад айылындагы аз камсыз жана жетим балдар үчүн жатак мектебине.
Бул иш-чаралар жардамга муктаж балдарга көңүл буруу жана коомчулукта кайрымдуулук маданиятын жайылтуу максатында уюштурулду.
Ош облусунун казысы мындай иш-чаралар мындан ары да улантыларын белгилеп, аталган мекеме жетекчилерин жана тарбиялануучуларын айт майрамы менен куттуктап, мүмкүнчүлүгү чектелген жана аз камсыз балдарга билим берип келе жаткан мугалимдерге ыраазычылык билдирди.
