Ош шаарынын Ак-Буура чыгыш хатибиятынын баш имам хатиби Абдулазиз ажы Абдурахманов №5 Амир-Темир муниципалдык аймактык башкармалыгында коомдук алдын алуу борборунун жыйынына катышып, «Ден соолук бул — аманат» деген темада өз баяндамасын жасады.

«Жаныбыз, ден соолугубуз — бул Алла Тааланын бизге берген аманаты. Ден соолукка кам көрүүнү, аны сактоо жөнүндө ар дайым айтып келүүдөбүз. Анткени ден соолук бекем болсо, ибадат кылууга жана жакшылык иштерди аткарууга мүмкүнчүлүк болот. Ошондуктан ооруну анын алдын алсак өзүбүзгө жакшы»,- деди Абдулазиз ажы Абдурахманов.

Айта кетсек, иш-чарага МАБ кызматкерлери, кварталдык комитеттин төрагалары, милициянын ыйгарым укуктуу өкүлдөрү, аксакалдар сотунун мүчөлөрү, мектеп директорлору, бала-бакча жетекчилери жана жергиликтүү мечит имамдары катышты.