Кыргызстан мусулмандарынын Азирети Муфтийи Замир кары Ракиевдин буйругуна ылайык, Баткен облусунун казысы Нуридин ажы Мамасабировдун тапшырмасы менен Баткен облусунун аймагындагы бардык дин кызматкерлери массалык түрдө ишембиликке чыгышты.
Аталган иш-чарага Баткен облусундагы бардык мечиттин имамдары, диний окуу жайдын окутуучулары, студенттери жана жалпы тургундар катышты.
Ишембилик учурунда диний объекттерди, алардын айланасын тазалоо жана оңдоп-түзөө иштери жүргүзүлдү. Ишембилик катышуучуларына казыят жана хатибият кызматкерлери тарабынан тазалыктын көптөгөн ибадаттарга шарт түзүүсү, мечиттерди тазалоо, үйлөрдү таза кармоо, жолду тазалоо жана анын сооптору тууралуу насааттар айтылды.
