Бүткүл дүйнөлүк жаштар ассамблеясынын «Бир билек – бир тилек» аттуу кайрымдуулук долбоору старт алды. Кыргызстндын аймагында жарыяланган өзгөчө кырдаалга байланыштуу муктаж жарандарга азык-түлүк таратылууда.
Бул жолкусунда долбоордун кызматкерлери Жайыл районундагы муктаж 90 үй-бүлөгө азык түлүк менен жардам көрсөтүштү.
Иш-чарага Жайыл районунун баш имам хатиби Нурдан ажы Өмүралиев катышып, кайрымдуулук кылган БДЖАсына ыраазычылыгын билгизип, ак батасын берди.
«Бардыгыбызга маалым болгондой эле Бүткүл дүйнөлүк жаштар ассамблеясы мамлекетибизде өтө көп иш-чараларды өткөрүшөт. Ушундай учурда да унутпастан, кайрымдуулук кылгандары үчүн терең ыраазычылыгымды билдирем. Ишиңиздер алдыга жылып, ар дайым ийгилик коштоп, Кудайым колдой берсин», — Нурдан ажы Өмүралиев.
Эске сала кетсек БДЖА буга чейин Бишкек шаарындагы 2000 үй-бүлөгө азык-түлүк тараткан. Жалпысынан долбоор алкагында 4000 үй-бүлөгө жардам берилмекчи.
