Ош облусуна караштуу Кара-Кулжа районунун баш имам-хатибдин орун басары Темирлан Аскаров райондогу Сары-Булак айыл аймагына барып, 4 мечитке жылыткыч батареяларын тапшырды.
«Кыш мезгили келип, жылуулук маселеси бир аз көйгөй жаратышы мүмкүн. Көпчүлүк мечиттерди жылуулук системасы бир калыпка түшкөнү менен айрым мечиттерибизде жылуулук толук түрдө камсыз боло элек. Аларга колдоо катары жылыткыч батареяларын тапшырдык», – деди баш имам-хатибдин орун басары Темирлан Аскаров.
Айта кетсек, жылыткыч батареяларын тапшырууну хатибият демилгелеп, демөөрчүлөр колдоосу менен ишке ашкан. Мечиттин көлөмүнө карап, айрым мечиттерге эки даанадан жылыткыч батарея тапшырылды.