Эски сайтыбыздагы маалыматтарга көз салуу үчүн басыңыз.
«Инсандар кулк-мүнөз жаатынан эң жакшысы – ыйман жаатынанан эң кемели болуп саналат» (Имам Ахмад риваяты)
Ош облусуна караштуу Ноокат районундагы Бел айыл өкмөтүнүн Кайрагач айылында жайгашкан "Жаннатул Фирдаус" мечитинин имамы Асилбек Акимбай уулунун демилгеси менен жаш өспүрүмдөр арасында Куран жарышы өткөрүлдү.
Аталган иш-чарага Ноокат районунун баш имам-хатиби Бекназар ажы Жапаров, орун басары Имамидин ажы Мамасадыков, Бел айыл өкмөтүнүн жооптуу имам-хатиби катышты.
Мелдеш жаш өспүрүмдөрдүн деңгээлине жараша 1 пара, жарым пара, 20 сүрө жана 10 сүрө категориялары боюнча өткөрүлдү. Натыйжада жеңүүчүлөр аныкталып 1-2-3-орун алгандарга тай, кой, эчки берилсе, калган катышуучуларга да кызыктыруучу белектер тапшырылды.
1-орун – Ахматалиев Нурислам
2-орун – Кулмурзаев Исак
3-орун – Мурзаев Нурмухаммед
Бекназар ажы Жапаров жалпы катышуучуларга ийгилик каалап, жаштык кездеги убакытты, күч-кубатты туура пайдаланып, түз жолдо жүрүү чоң жетишкендик экендигин билдирди.
Айта кетсек, аталган мечит имамы Асилбек Акимбай уулунун демилгесин жергиликтүү тургун Тойчубек Кулуев колдоого алып, демөөрчүлүк кылды.
