Ысык-Көл облусунун Жети-Өгүз районуна караштуу Кызыл-Суу айылындагы «Каныбек ажы» атындагы медреседе район имамдары үчүн окуу сабактары уюштурулду.

Аталган имамдык курс Азирети Муфтий Абдулазиз кары Закировдун тапшырмасынын негизинде өткөрүлүп, анда тажвид эрежелери, акыйда, фикх жана адеп-ахлак илимдери боюнча лекциялар окулду. Ошондой эле ар бир имам айыл жергесинде болуп жаткан көйгөйлөр тууралуу ой бөлүшүп, сабак соңунда суроо-жооп форматында пикир алышуу болду.

Имамдык курстун жыйынтыгында катышуучуларга окууга катышып, билим деңгээлин жогорулатканын тастыктаган сертификаттар тапшырылды. Кыргызстан мусулмандарынын Дин башкармалыгынын Ысык-Көл облусундагы өкүлү Бакыт ажы Кайкиев сертификаттарды жеке өзү тапшырып, ар бир имамга ийгилик каалады.

Белгилей кетсек, Ысык-Көл облусунда дин кызматкерлеринин квалификациясын жогорулатуу курстары өтүп жатат. Алсак, Ысык-Көл облусунун Түп районуна караштуу Кең-Суу айылындагы «Мусталый уулу Нуркожо ажы» атындагы мечитте,  Тоң районуна караштуу Боконбай айылындагы «Орозакун уулу Узакбай ажы» атындагы медреседе жана  Каракол шаарындагы «Мухтарулло-2» мечитинде имамдар курсу уюштурулду.