Мисир өлкөсүнүн баш калаасы Каирде Ислам иштери боюнча Жогорку Кеңештин XXXVI эл аралык конференциясы өз ишин баштады. Үстүбүздөгү жылдын 19-29-январь күндөрү (хижрий 30-ражабдан 10-шаабанга чейин) өтүшү мерчемделип жаткан эл аралык салмактуу иш-чара өлкө президенти Абдель Фаттах ас-Сисинин колдоосу менен уюштурулууда.

Европа, Азия, Африка жана Жакынкы Чыгыш боюнча 30 дан ашык өлкөдөн келген белгилүү ислам аалымдары жана расмий өкүлдөрү катышкан конференция Ыйык Куран окуу менен ачылды. Ачылышта Вакфтар министри жана Жогорку Ислам иштери боюнча кеңештин төрагасы, доктор Усама аль-Азхар; Аль-Азхар шейхинин орун басары, доктор Мухаммад Абд ар-Рахман аль-Дувайни; Египеттин башкы муфтийи, доктор Назир Мухаммад Ияд; ошондой эле Палестина, Бахрейн, Иордания, Оман жана Жибутинин дин иштери боюнча министрлери сөз сүйлөштү.

Саамалыкка Кыргызстан мусулмандарынын атынан катышып жаткан КМДБ кызматкери Абдулазиз ажы Туташпаев Азирети Муфтийдин жана кыргызстандык мусулмандардын саламын жеткирди. Ал ислам дининде жасалма интеллекттин ордуна багытталган иш-чарада адам, жашоо жана аалам, анда дин жашоонун кыймылынан бөлүнгөн абстракттуу коргоолордон жана насааттардан эмес, тескерисинче, ишенимден, баалуулуктардан, жүрүм-турумдан жана иштен бөлүнгөнү; ислам цивилизациясы Жаратуучу Аллах берген акыл-эстин мөмөсү экени; негизи адамдын кадыр-баркы негиз алынары боюнча доклад окуду.

Аталган конференцияда илимий сессиялар, семинарлар жана панелдик талкуулар болмокчу. Карала турган темалардын катарына ислам тарыхындагы кесиптер, плагиат, жасалма интеллект, цивилизациялар аралык интеграция, ишкердик жана этика маселелери бар.

Конференциянын максаты – ар кайсы аймактардан, айрыкча Балкандан келген ислам аалымдарынын ортосунда тажрыйба алмашууну күчөтүү жана салттуу ислам баалуулуктарынын заманбап технологиялык өнүгүүлөр менен шайкештигин талкуулоо болуп саналат.