7-май күнү Ош шаардык мусулмандар казыятына караштуу «Молдо Шакир» мечитинин имамы Рыскелди уулу Кыялдын демилгеси менен калаадагы унаа тетиктер базарынын соодагерлери 250 миң сом чогултуп, Баткендеги чек арадагы окуядан каза болгон 25 жарандын үй-бүлөсүнө 10 миң сомдон жардам көрсөтүштү.

Бул каражатты имам Баткен жергесине барып, каза болгон адамдардын жакындарына көңүл айтып, Куран окуп, дуба кылды.

-Баткен — 5 үй-бүлө;

— Лейлек — 4 үй-бүлө;

— Каут — 5 үй-бүлө;

— Кызыл жол — 3 үй-бүлө;

— Бужум — 4 үй-бүлө;

— Кызыл бел — 2 үй-бүлө.

Эскерте кетсек, «Молдо Шакир» мечити Ош шаарындагы Кудайберген унаа тетиктер базарынын ичинде жайгашкан. Буга чейин 2020-жылы да имамдын демилгеси менен соодагерлер шаардык ооруканага 200 миң сомдук жардам көрсөтүшкөн эле.