Эски сайтыбыздагы маалыматтарга көз салуу үчүн басыңыз.
“Сен жетимге каарданба!
Ал эми тилемчиге орой мамиле кылба!”
(Духа сүрөсү, 9-10)
Кыргызстан мусулмандарынын Дин башкармалыгы элден чогулган фитир-садаканы 3 категория боюнча таратты.
«Фитир-садакалар мечиттерибизде топтолот. Биз элдин ибадат иретинде берген фитир-садакаларын өз даректерине жеткирүүгө абдан катуу маани беребиз. Шарият боюнча бериле турган атайын орундар бар. Сиздер фитир-садака берген момун-мусулмандар үчүн дуба кылып, алардын кылган ибадаттарын кабыл болуусун Жараткандан тилеңиздер. Алган тыйыныңыздарды жакшылыктарга гана колдонуңуздар», – деди Азирети Муфтийдин орун басары Талантбек ажы Темирбаев.
Ал топтолгон фитир-садаканын 60 пайызы жергиликтүү мечиттерде, 30 пайызы хатибияттарда жана казыяттарда каларын, калган 10 пайызы гана муфтиятка бөлүнөрүн, фитир-садаканын ар бир тыйыны арыздын негизинде өз дарегине жеткирилерин, мекеменин бюджетине ибадаттык каражаттан 1 сом дагы кирбешин баса белгиледи.
Муфтиятка келип түшкөн сумма: 6487276,4 (алты миллион төрт жүз сексен жети миң эки жүз жетимиш алты сом кырк тыйын)
Арыз менен кайрылган жаранга 3 категорияда таркатылды:
1. Жетим калгандар 85 кишиге – 10 миң сомдон;
2. Оорулуулар 399 кишиге – 7 миң сомдон;
3. Мутаждар 296 кишиге – 5 миң сомдон берилди.
Жалпы суммасы 5123000 (беш миллион бир жүз жыйырма үч миң сом) таркатылды. Калган сумма муфтияттын курамындагы диний окуу жайларга таркатылып берилгенин КМДБнын башкы бухгалтери Толкунбек ажы Жуманов билдирди.
