«Акылдуу адам — өз напсисин көзөмөлдөп, өлүмдөн кийинки жашоо үчүн амал кылган адам. Алсыз адам болсо — напсисинин каалоолорун ээрчип алып, анан Аллахтан куру кыялдарды гана күткөн адам.» Термизий, 2459, Ахмад, 17164, ибн Маажа, 4260
Кечээ, 8-октябрда М.Мирахимов атындагы Улуттук кардиология жана терапия борборунда Бишкек шаарынын жана Чүй облусунун имамдарына багытталган жыйын болуп өттү. Иш-чарада Улуттук кардиология жана терапия борборунун директору, Кыргыз Республикасынын эмгек сиңирген дарыгери, медицина илимдеринин доктору, профессор, академик Талантбек Сооронбаев лекция окуду. Лекцияда имамдарга саламаттыкты сактоо, өз убагында текшерүүдөн өтүүнүн мааниси жана кан басымды туура өлчөөнүн жолдору боюнча кеңири маалымат берилди.
Саамалыкка Бишкек казыятына караштуу райондук баш имам-хатибдер, мечит имамдары, ошондой эле Чүй облусунун имамдары катышты. Иш-чара жүрүшүндө адистер имамдарга кан басымды кантип жана кайсы учурда туура өлчөө керектигин практикалык түрдө көрсөтүп берилди. Мындан тышкары, бир катар мечиттерге кан басымды өлчөөчү атайын аппараттар тапшырылды.
Жыйын жалпы элдин саламаттыгы үчүн дуба кылуу менен жыйынтыкталды.
