«Кайсы жерде болбо, Аллахтан корк (такыба бол). Жаман иштин артынан жакшы иш кыл, ал жамандыкты өчүрөт. Жана адамдар менен жакшы кулк-мүнөздө мамиле кыл.»
(Термизий, 1987)
Жети-Өгүздө 4 мектепте жана маданият үйүндө түшүндүрүү иш-чаралары өттү
Ысык-Көл облусунун Жети-Өгүз районунда бир катар мектептерде жана маданият үйүндө окуучуларга жана ата-энелерге түшүндүрүү иш-чаралары өткөрүлдү. Барскоон айылында эки мектепте, Тамга жана Тосор айылдарындагы мектептерде, ошондой эле Барскоон айыл өкмөтүнүн маданият үйүндө жыйындар болуп өттү.
Иш-чараларга Жети-Өгүз районунун баш имам-хатиби Талантбек Акылбек уулу, райондук администрациянын өкүлдөрү жана башка жетекчилер катышты.
Жыйындарда суициддин алдын алуу, зордук-зомбулук, экстремизм жана терроризм боюнча түшүндүрмөлөр берилди. Катышуучуларга маанилүү маалыматтар айтылып, анын алдын алуу чаралары талкууланды.
