Алланын элчиси (с.а.в.) айтты: «Күчтүү момун алсыз момунга караганда Аллага жагымдуураак жана сүйүктүүрөөк...» (Муслим)
Коом | 12.10.2026
  • |

Азирети Муфтий Абдулазиз кары Закиров Чикаго шаарында мекендештер менен жолугушту

Кыргызстан мусулмандарынын Азирети Муфтийи Абдулазиз кары Закиров АКШнын Чикаго шаарында жашап жана эмгектенип жүргөн мекендештер менен жолугушту.

Иш-чарага Кыргызстандан барган мамлекеттик, коомдук жана диний кызматкерлер да катышты. Алардын катарында:

Кыргыз Республикасынын Президентине караштуу Дин иштери жана этностор аралык мамилелер боюнча улуттук агенттиктин төрагасы Талантбек Ташибеков;
Кыргызстан мусулмандарынын Азирети Муфтийи Абдулазиз кары Закиров;
Аалымдар кеңешинин төрагасы Замир кары Ракиев;
Ислам университетинин ректору Абдишүкүр ажы Нарматов болду.

Жолугушуунун жүрүшүндө мекендештер менен баарлашып, дин жана адеп-ахлак маселелери, диний жана улуттук баалуулуктарды сактоо, жаш муундарды ыймандуулукка тарбиялоо жана чет өлкөдө жүргөн кыргызстандыктардын биримдигин бекемдөө тууралуу пикир алышты.

Азирети Муфтий мекендештерди ынтымакты бекемдөөгө, бири-бирине колдоо көрсөтүүгө жана эне тилди, диний жана улуттук нарк-насилди сактоого чакырды.