Бүгүн, 1-октябрь — Эл аралык карылар күнүнө карата Баткен шаардык жана райондук хатибияты тарабынан иш-чара уюштурулду. Баткен шаарынын жана районунун баш имам-хатиби, ошондой эле аймактык имамдар Баткен шаарында жана районунда жашаган ардактуу аксакал имамдардан жана апалардан кабар алышып, алардын ден соолугу жана жашоо-шартынан кабар алышты.

Иш-чаранын алкагында карыларга жылуу сөздөр айтылып, алардын эмгеги жана коомдогу орду жогору бааланары белгиленди. Ардагер дин кызматкерлерине ыраазычылык билдирилип, белектер да тапшырылды.

Бул иш-чаранын негизги максаты — улуу муунду урматтап, алардын тажрыйбасы менен акыл-насаатын алуу болуп саналат.