«Кайсы жерде болбо, Аллахтан корк (такыба бол). Жаман иштин артынан жакшы иш кыл, ал жамандыкты өчүрөт. Жана адамдар менен жакшы кулк-мүнөздө мамиле кыл.»
(Термизий, 1987)
Азирети Муфтий Оштогу дин кызматкерлерине жыйын өткөрдү
Бүгүн, 11-октябрь күнү Кыргызстан мусулмандарынын Азирети Муфтийи Абдулазиз кары Закиров түштүккө жасаган расмий иш сапарынын алкагында Ош облустук казыятынын жыйындар залында облус жана шаардык казыяттын кызматкерлерине жыйын өткөрдү.
Жыйындын алкагында бир катар маселелер айтылып, өзгөчө 2025-жылы өтүүчү шайлоо алдындагы үгүт иштерине дин кызматкерлеринин аралашпоосу тууралуу эскертилди.
- Функционалдык милдеттерди аткаруудагы жоопкерчилик;
- Мечиттердин тиешелүү иш кагаздарын даярдоо жана мамлекеттик каттоодон өткөрүү;
- Санариптешүү;
- Шайлоо алдындагы үгүт иштерине аралашпоо.
Айта кетсек, Азирети Муфтий Абдулазиз кары Закиров иш сапары менен өлкөнүн түштүк аймагында жүрөт.
