«Акылдуу адам — өз напсисин көзөмөлдөп, өлүмдөн кийинки жашоо үчүн амал кылган адам. Алсыз адам болсо — напсисинин каалоолорун ээрчип алып, анан Аллахтан куру кыялдарды гана күткөн адам.» Термизий, 2459, Ахмад, 17164, ибн Маажа, 4260
Кыргызстан Мусулмандарынын Аалымдар кеңешинин чечими менен Кыргызстан Мусулмандарынын Дин Башкармалыгы тарабынан өлкө аймагындагы 7 медресеге атайын сертификаттар тапшырылды. Иш-чарага Азирети Муфтийдин орун басары Шакир ажы Маматов, медреселердин мүдүрлөрү жана КМДБнын кызматкерлери катышты. Анда Азирети Муфтийдин орун басары сөз сүйлөп, диний окуу жайлардын материалдык-техникалык базасын чыңдоо максатында дал ушундай жардамдар медреселерге жыл сайын берилип жатканын айтты.
“Кыргызстан Мусулмандарынын Дин Башкармалыгы тарабынан учурда өлкө аймагындагы медреселердин материалдык-техникалык базасын чыңдоо максатында атайын комиссия түзүлүп, 7 диний билим берүү мекемеси тандалып алынды. Ага ылайык, медреселерге керектелүүчү жабдыктар тапшырылууда.” – деди Азирети Муфтийдин орун басары.
Белгилей кетсек медреселерге компьютерлер, керебеттер, столдор жана КМДБдан атайын китептер берилди.
