Кыргызстан мусулмандарынын дин башкармалыгы (КМДБ) Ажылык жана Умра сапарларын уюштуруу боюнча ведомстволор аралык комиссиянын аккредитациялоо боюнча жумушчу тобунун протоколдук чечимине ылайык, 2026-2027-жылдагы Умра сезону үчүн туристтик компанияларды аккредитациялоо 2026-жылдын 27-августунда өткөрүлөрүн маалымдайт.
Буга байланыштуу, мурдагы аккредитациясын жаңылоону же жаңы аккредитациядан өтүүнү каалаган бардык туристтик компаниялар белгиленген талаптарга ылайык документтерин 2026-жылдын 24-августуна чейин Кыргызстан мусулмандарынын дин башкармалыгына тапшыруусу зарыл.
Жаңы тартипке ылайык иш алып баруу максатында, 2026-жылдын 27-августунда аккредитациядан өтпөгөн туристтик компаниялардын келишимдери күчүн жоготуп, ишмердүүлүгү мыйзамсыз болуп эсептелинет.
Эске салсак, 2026-жылдын 30-июлунда КМДБ тарабынан 2026–2027-жылдагы Умра сезонуна карата туристтик компанияларды аккредитациялоо үчүн талап кылынуучу документтердин тизмеси расмий жарыяланган.
Документтерди кабыл алуу:
📍 КМДБнын кеңсеси, иш күндөрү саат 09:00дөн 17:00гө чейин.

Аккредитациянын өткөрүү күнү: 
📍 КМДБнын кеңсеси, 27-август саат 10:00.

Дареги: Бишкек шаары, Жибек-Жолу проспектиси, 264/3 (Башкы «Имам Сарахсий» мечитинин аймагы)

Байланыш телефондору: 📞 0505 20-40-30 📞 0551 20-40-30