«Акылдуу адам — өз напсисин көзөмөлдөп, өлүмдөн кийинки жашоо үчүн амал кылган адам. Алсыз адам болсо — напсисинин каалоолорун ээрчип алып, анан Аллахтан куру кыялдарды гана күткөн адам.» Термизий, 2459, Ахмад, 17164, ибн Маажа, 4260
Кара-Кулжа районунда имамдар арасында спорттук мелдеш өттү
Кара-Кулжа райондук хатибиятынын демилгеси менен район аймагындагы айыл өкмөт имамдарынын катышуусунда Ыйык Курман айт майрамына карата «Ынтымак жана достук» аталышындагы волейбол жана футбол боюнча спорттук мелдеш өткөрүлдү.
Иш-чаранын негизги максаты – имамдар арасындагы ынтымакты бекемдөө, сергек жашоону жайылтуу жана спорт аркылуу достукту чыңдоо болуп саналат.
Мелдеш достук маанайында өтүп, катышуучуларга диплом жана белектер тапшырылды. Натыйжада облустук турга катышуу үчүн Кара-Кулжа району боюнча мыкты оюнчулардан турган курама команда түзүлдү.
