«Акылдуу адам — өз напсисин көзөмөлдөп, өлүмдөн кийинки жашоо үчүн амал кылган адам. Алсыз адам болсо — напсисинин каалоолорун ээрчип алып, анан Аллахтан куру кыялдарды гана күткөн адам.» Термизий, 2459, Ахмад, 17164, ибн Маажа, 4260
Каракол шаарындагы бардык мектептерде жаш өспүрүмдөрдүн мушташтарын, рекетчиликти жана башка терс көрүнүштөрдү алдын алуу боюнча ата-энелер жана жогорку класстын окуучулары менен жыйындар өткөрүлдү.
Жыйындарга Ысык-Көл облусунун орун басар казысы Алмазбек ажы Сагындыков катышып, терс көрүнүштөрдүн себептери жана аларды алдын алуу жолдору боюнча өзүнүн сунуштарын берди. Алмазбек ажы ата-энелерди балдарына көбүрөөк көңүл бурууга, аларга туура тарбия берүүгө чакырып, насааттарын сөздөрүн айтты.
Жыйындын жүрүшүндө катышуучулар да өз ойлорун айтып, коомдук тарбиянын мааниси жана үй-бүлөлүк баалуулуктар тууралуу пикир алышты.
Айта кетсек, облус казысы Самидин кары Атабаевдин тапшырмасы менен аймактагы билим берүү башкармалыктары менен биргеликте жаш өспүрүмдөр арасындагы терс көрүнүштөрдүн алдын алуу багытында биргелешкен иш-чаралар жүргүзүлүүдө.
