ыргызстан мусулмандарынын Азирети Муфтийи Абдулазиз кары Закиров АКШнын Чикаго шаарындагы Үмөт мечитине зыярат кылды.

Бул зыяратка Кыргызстандан барган коомдук, диний жана илимий ишмерлер да катышты.

Алардын катарында:

- Кыргыз Республикасынын Президентине караштуу Дин иштери жана этностор аралык мамилелер боюнча улуттук агенттиктин төрагасы Талантбек Ташыбеков;

- Кыргызстан мусулмандарынын Азирети Муфтийи Абдулазиз кары Закиров;

- Ислам университетинин ректору Абдишүкүр ажы Нарматов;

- Аалымдар кеңешинин төрагасы Замир Ракиев болду.

Үмөт мечити — АКШнын Иллинойс штатындагы Чикаго шаарында жайгашкан, жергиликтүү мусулман коомчулугуна кызмат кылган мечиттердин бири. Мечит мусулмандардын ибадат кылуусуна, жамааттык намаздарга катышуусуна жана диний-билим берүү иш-чараларын өткөрүүсүнө шарт түзүп, кызмат кылып келет.