«Акылдуу адам — өз напсисин көзөмөлдөп, өлүмдөн кийинки жашоо үчүн амал кылган адам. Алсыз адам болсо — напсисинин каалоолорун ээрчип алып, анан Аллахтан куру кыялдарды гана күткөн адам.» Термизий, 2459, Ахмад, 17164, ибн Маажа, 4260
Бөкөнбай айылында мектеп окуучуларына түшүндүрүү сабагы өтүлдү
Бүгүн, 4-март күнү Ысык-Көл облусунун Тоң районундагы Бөкөнбай айылында Алтымышбай атындагы орто мектебинде жогорку класстын окуучулары үчүн жыйын өттү.
Жыйынды Тоң районунун баш имам-хатиби Таалайбек ажы Акунов өткөрүп, анда рэкетчилик, зордук-зомбулук, салттуу ислам, жакшы кулк-мүнөз жана башка маанилүү темалар боюнча түшүндүрүү иштери жүргүзүлдү.
Окуучулар сабакка кызыгуу менен катышып, сабактын соңунда суроо-жооп уюштурулуп, жаштар өз пикирлерин билдиришти. Бул иш-чара жаштарды туура жолго багыттоо жана коомдогу терс көрүнүштөрдүн алдын алуу максатында уюштурулду.
