«Акылдуу адам — өз напсисин көзөмөлдөп, өлүмдөн кийинки жашоо үчүн амал кылган адам. Алсыз адам болсо — напсисинин каалоолорун ээрчип алып, анан Аллахтан куру кыялдарды гана күткөн адам.» Термизий, 2459, Ахмад, 17164, ибн Маажа, 4260
Кыргызстан мусулмандарынын Азирети Муфтийи Абдулазиз кары Закиров Ош шаарына жасаган расмий иш сапарынын алкагында Туран кичи районунда жайгашкан «Умму Мухаммад» медресесин зыярат кылып, студенттери менен жолугушту.
Зыяраттын жүрүшүндө Самидин кары Атабаев Азирети Муфтийге окуу жай тууралуу маалымат берип, Рамазан айында ДОЖ студенттери мечиттерге Куран катмыларыларга өтүп келгендигин билдирди.
Жолугушууда Азирети Муфтий Абдулазиз кары Закиров студенттердин окууларына ийгиликтерди каалап, ак батасын берди. Ошондой эле, кызмат кылып келе жаткан мугалимдер жамаатына жана жалпы студенттерге муфтийдин белектери тапшырылды.
Мындан сырткары аталган окуу жайда көп жылдан бери эмгектенип келе жаткан 10 кыраат боюнча ижазасы бар Мухаммад кары Фарукка муфтияттын ыраазычылык баракчасы тапшырылды.
Айта кетсек, аталган окуу жай 2016-жылдан бери расмий түрдө ишмердүүлүгүн жүргүзүп, Куран жаттоо багытында көптөгөн карыларды чыгарып келет. Айталы, 2025-2026-окуу жылына карата Куранды толук жаттаган 24 кары окууну бүткөрүү алдында турат.
