Ислам динин кабыл алган белгилүү кореялык блогер ыйык Рамазан айына карата Кыргызстанга келди. «Аль-Умма» кайрымдуулук фондунун чакыруусу менен келген Ким учурда өлкөдөгү маанилүү жайларды зыярат кылып, жолугушууларды өткөрүп, фонддун «Рамазан чатырлары – 2025» саамалыгына катышууда.

Ардактуу конок Кыргызстан мусулмандарынын Дин башкармалыгын да зыярат кылып, Азирети Муфтийдин 1-орун басары Самаган ажы Мырзаибраимовдун кабыл алуусунда болду.

Айта кетсек, инстаграмда 4,6 млн катталуучу бар Дауд Ким Түштүк Кореяда ислам динин жайылтуу, мечит куруу сыяктуу демилгелери менен таанылган.