Кыргызстан мусулмандарынын Азирети Муфтийи Абдулазиз кары Закиров АКШнын Чикаго шаарындагы «Үммөт» мечитин зыярат кылды. Зыяратка Кыргызстандан барган делегация да катышты.

Делегациянын катарында:
- Кыргыз Республикасынын Президентине караштуу Дин иштери жана этностор аралык мамилелер боюнча улуттук агенттиктин төрагасы Талантбек Ташибеков;
- Кыргызстан мусулмандарынын Азирети Муфтийи Абдулазиз кары Закиров;
- Аалымдар Кеңешинин төрагасы Замир кары Ракиев;
- Кыргызстан Ислам университетинин ректору, Аалымдар Кеңешинин мүчөсү Абдишүкүр ажы Нарматов болду.

«Үммөт» мечити – АКШнын Иллинойс штатындагы Чикаго шаарында жайгашкан, жергиликтүү мусулман коомчулугуна кызмат кылган жайлардын бири. Жергиликтүү мусулмандардын ибадат кылуусунда, жамааттык намаздарга катышуусунда жана диний-билим берүү иш-чараларын өткөрүүсүндө мечиттин ролу зор.

Маалымат иретинде айта кетсек, жалпы аянты 2500 м2 болгон бул мечит 2024-жылдын октябрь айында диний аалым Абдишүкүр ажы Нарматовдун демилгеси, мекендештердин аракети менен ачылган.