Ош шаардык мусулмандарынын казыятына караштуу «Али аль-Байт» мечитинин имам хатиби Мырза кары Осмонов №36806 аскердик бөлүктүн жоокерлерине «Мекенди сүйүү-ыймандан» деген темада баяндама жасады.

«Адамдын денесинде муштумдай эт бар. Ал таза болсо, бүт дене таза болот. Жүрөгүңүздөрдү тазалап, ниетиңиздерди түздөп, мекен үчүн ак кызмат өтөңүздөр. Бул үчүн чоң соопко ээ болосуздар. Анткени, сиздер өз уйкуңуздардан калып, мекендин тынчтыгын сактагандыктан жаштар илим алып, үй-бүлө куруп, мечиттерде намаз окулуп жатат. Жакшылык иштерге себепчи болуу, аны жасагандай соопко ээ болот»— деди Мырза кары Осмонов.