Зыяратка барам десеңиз…

Аллах Таалага чын жүрөктөн тообо кылыңыз. Күнөө иштерден сактанып, мурда кылган күнөөлөр үчүн өкүнүп, кайталбоого чечим кабыл кылыңыз.
Кимдир бирөөнү капа кылып, көңүлүн калтырган болсоңуз кечирим сураңыз. Карыздарыңыз болсо ээсине берип ыраазы кылыңыз.
Эң негизгиси кылып жаткан ажылык ибадатын Аллах Тааланын ыраазычылыгы үчүн акыреттин абадчыгылын ниет кылыңыз. Амалдарды эл көрсүн үчүн, кадыр-барк, мактануу үчүн эч качан жасабаңыз.
Ата-энеңиз тирүү болсо алардын ыраазычылыгына сурап, дубасын алыңыз.
Үй-бүлөнүздүн, балдарыңыздын муктаждыгын камсыздап коюңуз.
Ажылык жана умра амалын аткаруу тартибин, эрежелерин атайын китептерден окуп үйрөнүңүз.
Сапарда дайыма Аллах Тааланы зикир кылып, дуба, Куран окуп, истигфар айтып жүрүңүз. Пайдасыз, ушак, жалган, сөгүнүү, бузук сөздөрдөн алыс болуңуз. Колдон келсе башкаларга жардам бериңиз.
Жүрөктү таза, пакиза кармаңыз. Дайыма кичи пейилдик кылып, сабырдуу болуңуз.
Акчаңызды түрдү нерселерге ысырап кылуудан, талашып-тартышуудан алыс болуңуз.

Үйдөн чыгып жатканда

Үйдөн чыгып жатканда садака кылыңыз.
Эки рекет сапар намазын жана сапар дубасын окуңуз.
Сизди узатып жаткандарга дуба кылып туруусун сураңыз.
«Дуба кылыңыз» деп айткан жакындарыңыздын аты-жөнүн дептерге жазып алыңыз.

Ажылыкка эмне алуу зарыл?

Өзүнүзгө керектүү дары-дармектерди алуу.
Күндөн сактануу үчүн көз айнек.
Ыкчам кол чатыр
Сапатуу сумка (30 кг жүккө ылайыкташкан)
Аптечка
Ыкчам жайнамаз
Ихрам, ремен, ыңгайлуу бут кийим.

Даярдаган: Фуркат Авлиёев, Баткен облустук казыятынын пресс-катчысы