Талас облусунун мусулмандарынын казысынын мурдагы орун басары Өмүрзак ажы Абдысамат уулу белгилүү себептерден улам жумуштан кеткендигине байланыштуу, казыяттын мечит-медреселер адиси Рысбек Кокумов Талас облусунун мусулмандарынын казысынын орун басары болуп дайындалды. Тиешелүү буйрукка облус казысы Сулумбек ажы Узеналиев кол койду.
Кокумов Рысбек тууралуу:
Талас облусуна караштуу Бакай-Ата районунда 1980-жылы 31-январда жарык дүйнөгө келген.
Диний билими:
2007-2011-жж Таластагы «Али ибн Аби Толиб» медресесин бүткөн;
2014-2017-жж Кыргызстан Ислам университетин аяктаган.
Светтик билими:
2019-ж. ЖЧК «Эркин ОПК» окутуу борборун аяктаган;
Учурда Талас мамлекеттик университетинин 3-курс студенти.
Иш тажрыйбасы:
2010-2019-ж.ж. Бакай-Ата районунун Кыргызстан айылында имам-хатиб болуп иштеген;
2021-2023-ж.ж. Талас шаарынын баш имам-хатиби;
2023-2024-ж.ж. Талас казыятында мечит-медреселер адиси болуп эмгектенип келген.
Үй-бүлөлүү, 3 кыздын атасы.