Бүгүн, 12-июль күнү Кыргызстан мусулмандарынын Азирети муфтийи Замир кары Ракиев Ош шаарынын мэри Таалайбек Сарыбашов менен жолукту. Жолугушууда Ош шаарынын мэри Замир кары Ракиевди жаңы кызмат орду менен куттуктап, иштерине ийгиликтерди каалады.
Жолугушууга КР Дин иштери боюнча мамлекеттик комиссиянын түштүк аймактык бөлүм башчысы Исакбай Мурзабеков, Баткен облусунун казысы Пазыл ажы Султанмуратов, Жалал-Абад облусунун казысы Нематулла ажы Жээнбеков, Ош облусунун казысы Саидамир ажы Жейналиев жана Ош шаарынын казысы Убайдулла ажы Сарыбаев, муфтийдин түштүк аймагы боюнча кеңешчиси Арзыкулов Махманаби жана Өзбекстан Республикасынан Ташкент шаарынын казысы Нуриддин ажы Халикназаров катышты.
Жыйын алкагында учурдагы диний кырдаал талкууга алынып, Ош шаарынын мэри Таалайбек Сарыбашов жаңыдан кызматка киришкен Азирети Муфтийдин мындан ишине ийгилик каалап, белегин тапшырды.
