Ош облусуна караштуу Өзгөн районунун баш имам-хатиби Акжол ажы Бакиров «Жакшылык үчүн биримдик» фонду менен биргеликте райондогу муктаж жана атасы жок жетим балдарга жаңы окуу жылына карата сүйүнүч тартуулоо үчүн окуу куралдары жана мектеп формасын белек кылышты. Ошону менен бирге керектелүүчү азыктар камтылган жардам баштыкчасы да тапшырылды.
«Атасы жок балдардын көңүлү назик болгондуктан, аларга жаңы окуу жылына карата сүйүнүч тартуулоо максатында окуу куралдары жана мектеп формасын белек кылдык. Албетте жетимдин башын сылап, алардын жакшы каалоолорун угуу адамга өзгөчө сезим тартуулайт. Андай сезимди сөз менен айтып жеткире албайсың, аны берешен болуп көрүү менен гана сезе аласыздар. Мындай көрүнүштөр өлкөнүн башка аймактарында да болуп жаткандыгы баарыбызды кубантат. Аллахым баарынан ыраазы болсун», – деди баш имам-хатиб Акжол ажы Бакиров.
Айта кетсек, аталган иш-чарага жалпысынан 450 миң сом акча каражаты жумшалган.