Ош шаарынын мусулмандарынын казысы Мирланбек ажы Токтомушов Сулайман-Тоо тарыхый- археологиялык музейинин директору Медербек Апархановду кабыл алды. Казыят кызматкерлери жана шаар имамдары да катышкан жолугушууда төмөнкү маселелелер каралды:

— Күз айлары келип калгандыктан, өрт коопсуздугун алдын алуу;

— Сулайман-Тоонун айланасын таза кармоо;

— Бак-дарактарга аяр мамиле жасоо;

— Тоонун тегерегиндеги жашаган жарандарга ар тараптуу түшүндүрүү иштерин жүргүзүү;

— Эскилиги жеткен мечиттерди кайрадан оңдоп-түзөө.

Ош шаарынын мусулмандарынын казыятынан билдиришинче, казыят «Сулайман-Тоо улуттук тарыхый-археологиялык музей комплекси» менен бир топ жылдардан бери жакындан кызматташып, көптөгөн проектилерди ишке ашырып келет.