Кыргызстан мусулмандарынын Азирети Муфтийи Абдулазиз кары Закиров Сауд Араб Падышачылыгындагы КМДБнын өкүлү Абдували ажы Акматовдун бир тууган агасы Акматов Зикрулланын дүйнөдөн кайтканына байланыштуу терең кайгыруу менен көңүл айтат.

Урматтуу Абдували ажы!

Алла Таала адам баласын жаратып, өмүр берип, убактысы келгенде Өзүнө алат. Бул жашоо – бир күндүк мейманкана, ал эми түбөлүк өмүр акыретте гана башталат. Агаңыз Зикрулла мырза бул дүйнөдө өз салымын кошуп, жакшылыкка умтулуп, өз артында жакшы атын жана урпактарын калтырган инсан экенине ишенем. Анын бул дүйнөдөн өткөндүгү сиздерге гана эмес, жалпы биз үчүн оор жоготуу болду.

Абдували ажы, кайгыңарга ортоктошпуз. Алла Таала маркумду Өз ырайымына алып, бейишинен орун берип, жаткан жерин жарык, кабырын бейиш бакчаларынын бири кылсын. Ошондой эле сиздерге сабырдуулук, бекемдик жана жүрөктөрүңүздөргө тынчтык берсин.

Маркумдун артында калган балдарына, жакындарына жана жалпы үй-бүлөсүнө Алладан сабыр тилейм. Анын асыл иштери, жакшы жүрүм-туруму жана артында калган жакшы атын унутпайлы. Ар бирибиз Алланын каалаган убагында бул дүйнөдөн кетебиз, ошондуктан жакшы иштер менен өмүрүбүздү көрккө бөлөп жашообуз шарт.

Аллах сабырдуу жана бекем болууну насип кылсын. Маркумдун артында калган жакындарына оор жоготууну көтөрүүгө күч-кубат берсин.

Жаткан жери жайлуу, топурагы торко болсун!

Кайгыруу менен көңүл айткан,

Азирети Муфтий Абдулазиз кары Закиров