Жети-Өгүз районунун баш имам-хатиби жана анын орун басары Кызыл-Суу борбордук мечитинде жалпы район имамдары менен жыйын өткөрдү.

Жыйында мечиттерге коюлган QR-коддор, мечиттердин абалы жана катталуусу, имамдардын жоопкерчилиги тууралуу маселелер каралды. Ошондой эле орозо айына даярдык көрүү, орозо учурунда өткөрүлө турган иш-чаралар жана кайрымдуулук иштерин уюштуруу боюнча талкуу жүргүзүлдү.

Жыйындын жүрүшүндө имамдардын коомдогу ролу жана жоопкерчилиги, ошондой эле мечиттердин ишмердүүлүгүн жакшыртуу боюнча сунуштар айтылып, орозо айын уюшкандыкта өткөрүү үчүн биргеликте иш алып баруу чечими кабыл алынды.