Ош облустук казыяты тарабынан «Примов» фондунун колдоосу менен облус аймагындагы кыз-келиндер окуган ДОЖдор арасында акыл таймашы өткөрүлүп, ага 19 ДОЖдун студенттери катышты.

Акыл таймашы төмөнкүдөй тартипте болуп, ар бир берилген туура жоопко 1 баллдан берилди.

1-тур – Хадис, Фикх, Сиро, Тафсир жана акыйда боюнча: 10 суроо;

2-тур – Куран боюнча 10 суроо;

3-тур – Аралаш суроолор (Кыргызстан тарыхы ж.б.)

Акыл таймашы ислам институту жана медреселердин студенттери үчүн өзүнчө өткөрүлсө, диний окуу борборлордун студенттерине өзүнчө өткөрүлдү.

«Акыл таймашын өткөрүүдө ислам институту жана медреселерди өзүнчө, диний окуу борборлорду өзүнчө өткөрдүк. Анткени диний окуу борборлордун студенттерине салыштырмалуу жеңил суроолор берилди. Бул акыл таймашы казыят тарабынан алгачкы жолу өткөрүлүп жатат. Буйруса алдыда, балдар медреселеринде да өткөрүүнү пландап жатабыз. Албетте акыл таймашын негизи максаты ДОЖ студенттеринин дүйнө таанымын ар тараптуу өнүктүрүү болуп саналат», – деди облус казысынын орун басары Абдималик ажы Турсунбеков.

Институт жана медреселер аралык өткөрүлгөн акыл таймашында жеңүүчүлөр:

1-орун «Хайриниса» медресеси – 10 миң сом акчалай сыйлык жана грамота;

2-орун «Мухаммад Закир» медресеси – 8 миң сом акчалай сыйлык жана грамота;

3-орун «Молдо Таабалды ажы» медресеси – 6 миң сом акчалай сыйлык жана грамота;

4-орун «Абдираим кары» медресеси – 4 миң сом акчалай сыйлык жана грамота;

5-орун «Абдыжапар» ислам институту – 3 миң сом акчалай сыйлык жана грамота.

Ал эми диний окуу борборлор арасындагы өткөрүлгөн акыл таймаштын жеңүүчүлөрү:

1-орун «Айгүл Умму Фатима» диний окуу борбору — 7 миң сом акчалай сыйлык жана грамота;

2-орун «Имам Мухаммад» диний окуу борбору – 5 миң сом акчалай сыйлык жана грамота;

3-орун «Салиха» диний окуу борбору – 3 миң сом акчалай сыйлык жана грамота.