Ош облусунун Ноокат районуна караштуу Көк-Жар айыл аймагында Он эки бел айылында жайгашкан «Айша» мечитинде Рамазан айына карата жаштар арасында Куран жарышы өткөрүлдү. Куран конкурска Ноокат районунун баш имам-хатибинин орун басары Имамидин ажы Мамасадыков катышып, Куран окуунун пазилеттерин айтып, Рамазан айында Куран окууга көбүрөөк убакыт бөлүүнү сунуштады.

Жарыш Курандан 10 пара, 5 пара жана 1 парадан болуп, жалпы 3 категорияда өттү.

Жеңүүчүлөргө 5-орунга чейин баалуу белектер тапшырылды.

10-пара боюнча:

1-орунга скутер

2-орунга велосипед

3-орунга чаң соргуч

4-орунга чемодан

5-орунга чаң соргуч тапшырылды.

Ошондой эле, 5 пара боюнча 1-орунга велосипед болсо, калган жеңүүчүлөргө үй-тиричилик буюмдары тапшырылды.

Айта кетсек, аталган Куран жарышы Рамазан айынын алдында өткөрүлүп, Турсунбай ажы Тажибаев, Шарапат ажы Тажибаева жана Максуда Тажибаева ажылардын жаркын элесине арналды.