Үстүбүздөгү жылдын 26-27-февраль күндөрү Кыргызстан мусулмандарынын Дин башкармалыгынын жыйындар залында Чүй облусуна жана Бишкек шаарына караштуу ДОЖ жетекчилери, окуу бөлүм башчылары, мугалимдери үчүн семинар-тренингдин 3-айлампасы өттү.
Эки күн бою өткөн семинарда:
- Тайпалык журналды толтуруу – суроо-жооп;
- Модуль алуунун тартиби – суроо-жооп;
- Электрондук кат алышуу, электрондук журнал системасы;
- Диний окуу жайдын түзүмү
- Иш кагаздар – номенклатура
- Ар түрдүү маселелер боюнча кеңири маалыматтар берилди
Аталган семинар-тренинг Азирети Муфтий Абдулазиз кары Закировдун тапшырмасы менен уюштурулгандыгын, семинар-тренингди Муфтияттын жалпы бөлүмдөр жана референт бөлүмүнүн башчысы Абдиназар Хаджибеков өткөндүгүн, иш-чара өз максатына жетип, мугалимдер активдүү катышкандыгын КМДБнын диний билим берүү бөлүмүнүн адиси Умар Бакиров билдирди.
Семинардын жүрүшүндө ачык сабактардын форматтары жана ДОЖдор аралык тажрыйба алмашуу маселелери талкууланды
Эскерте кетсек, буга чейин семинар-тренингдин 1-2-айлампасы бардык региондордо өтүлгөн болчу. Эми методикалык семинар-тренингдин 3-айлампасы бардык аймактарда улантылары мерчемделүүдө.
