Ош облусуна караштуу Кара-Суу районундагы балдар окуган диний окуу жайлардын студенттери арасында спорттун футбол түрү боюнча мелдеш өткөрүлүп, ага 10 команда катышты.

Ош облусунун казысынын орун басары Абдималик ажы Турсунбеков студенттердин арасында карым-катнаш болуп, бири-бири менен достук мамилелерин бекемделиши үчүн тез-тез биргеликте өтүүчү иш-чараларды, мелдештерди өткөрүү керектигин билдирди.

«Спорттун футбол түрү аркылуу ар дайым кыймылда болгондугу үчүн адамдын ден соолугу да бекем болот. Ошондой эле, мелдештин шылтоосу менен студенттер арасында карым-катнаш болуп, бири-бири менен достук мамиледе болушат. Ошол себептен ДОЖдор арасында биргеликте өтүүчү иш-чараларды, мелдештерди тез-тез өткөрүп туруу керек», – деди Абдималик ажы Турсунбеков.

Мелдешке катышкан командалар үчүн сый-тамак уюштурулуп, жеңүүчүлөргө сыйлыктар тапшырылды.

Жеңүүчүлөр:

1-орун – «Салман Фарсий» медресеси;

2-орун – «Юлдашбай ажы» медресеси;

3-орун – «Абдыжапар» ислам институту.

Аталган мелдеш Кара-Суу районундагы «Имам Мухаммад» медресеси тарабынан уюштурулду.