Ош облусуна караштуу Алай районунун баш имам-хатиби Эмирлан ажы Бообеков «Примов» фонду тарабынан райондогу жалпы имамдарга Рамазан айына карата азык-түлүк баштыкчалары таратылгандыгын билдирди.

“Имамдарыбыздын коомчулукка кошкон салымы зор. Жыл сайын Рамазан айынын башында имамдарыбызга азык-түлүк баштыкчаларын таркатып, майрамдык маанай тартуулап келебиз. Быйыл да “Примов” кайрымдуулук фонду менен биргеликте 70 пакет даярдалып, имамдарды кубанттык. Биздин райондук хатибияттын кайрымдуудулук жааттагы ишмердүүлүгүн колдоп келген “Примов” кайрымдуулук фондуна ыраазычылык билдиребиз” деди Эмирлан ажы Бообеков.

Ошол эле учурда имамдардын кезектеги жыйыны өткөрүлүп бир катар тапшырмалар берилди.

— Рамазан айына карата мечиттин ички-сырткы тазалыгын кароо жана тиешелүү шарттарды түзүү;

— КМДБ, казыят жана хатибияттан берилген тапшырмаларды өз убагында аткаруу;

— QR-код боюнча элге туура түшүндүрүү;

— Мечитке видео байкоо камераларын орнотуу;

Айта кетсек, бул жылы февраль айында райондо элдин колдоосу менен 6 мечитке видео байкоо камералары орнотулду.