Ош облусунун мусулмандарынын казысынын орун басары Абдималик ажы Турсунбеков казыятка практика өтөө үчүн келген ОшМУнун теология факультетинин, И. Арабаев университетинин теология кафедрасынын жана «Абдыжапар» ислам институтунун студенттерин кабыл алды.
«Практика өтөө үчүн келген студенттерге иш жүзүндө ар бир маалымат үйрөтүлөт. Практика учурунда мечиттерди жана ДОЖдорду ДИМК тарабынан мамлекеттик эсептик каттоодон өткөрүү үчүн кандай иш кагаздар талап кылынарын, катчылык иштеринде тиешелүү иш кагаздар менен иштөө боюнча аз да болсо тажрыйбага ээ боло алышат. Ошондой эле, эл менен тыгыз иштешүүгө мүмкүнчүлүк түзөлөт», – деди облус казысынын орун басары Абдималик ажы Турсунбеков.
Айта кетсек, диний окуу жайлардын студенттерине облус аймагында казыят, хатибият же мечит-медреселерде практика өтөөгө мүмкүнчүлүктөр бар.