Кечээ, 4-март күнү Ош облусунунун Өзгөн районундагы диний окуу жайлардын студенттерине жана мугалимдерине «Дин тутуу эркиндиги жана диний бирикмелер жөнүндөгү мыйзам боюнча түшүндүрүү иштери жүргүзүлүп, анда ДИМК ТАБнын башчысы Фурхатбек Адилбек уулу, Ош облусунун мусулмандарынын казысынын орун басары Абдималик ажы Турсунбеков жана Өзгөн районунун баш имам-хатиби Үсөн Маматтурсун уулу баяндама жасады.
Аталган иш-чара Өзгөн районундагы “Имам аль Бухарий” ислам институту жана “Мухаммад Закир” медресесинде болуп, ага “Хайриниса” кыздар медресесинин жана «Сатыбалды Исманалиев» диний окуу борборунун мугалимдери жана студенттери катышты.
Кыргыз Республикасынын Президентинин 2025-жылдын 21-январындагы №17 Жарлыгы менен кабыл алынган “Дин тутуу эркиндиги жана диний бирикмелер жөнүндө” Кыргыз Республикасынын Мыйзамынынын талаптары, анда киргизилген терминдер жана түшүнүктөр, дин тутууга болгон укуктар жана милдеттер боюнча маалымат берди. Ошондой эле билбестен мыйзамды бузуу жоопкерчиликтен бошотпостугун, динде аша чабуу коркунучтуу экендиги боюнча презентациялык материалдарды колдонуу менен кеңири түшүндүрдү.