Бүгүн, 5-март күнү Жалал-Абад облусунун Базар-Коргон районундагы Базар-Коргон шаарында 2021-2026-жылдарга карата диний чөйрөдөгү мамлекеттик саясатты ишке ашыруу боюнча иш-чара болуп өттү. Ошондой эле жаңы кабыл алынган диний мыйзамдар боюнча түшүндүрүү иштери жүргүзүлдү. Иш-Чарага КР ДИМКнын Жалал-Абад обулусундагы өкүлү Нурбек Кайсарбаев, Жалал-Абад облусундагы мусулмандарынын казысынын орун басары Арпидин ажы Жороев, Базар-Коргон районунун баш имам-хатиби Бактыбек ажы Тунгатаров, укук коргоо органдары, имамдар, мекеме ишканалардын жетекчилери жана медресе студенттери катышты.
Жыйында диний чөйрөдөгү КРнын айрым мыйзам актыларына киргизилген өзгөртүүлөр жана жаңы кабыл алынган дин тутуу эркиндиги, ошондой эле диний бирикмелер жөнүндө КРнын мыйзамын калк арасында түшүндүрүү иштерине багытталды.
Жыйында Жалал-Абад облусундагы мусулмандарынын казысынын орун басары Арпидин ажы Жороев салттуу ислам дини жөнүндө элге кеңири түшүндүрмө берди.
Ал эми ДИМКнын Жалал-Абад облусундагы өкүлү Нурбек Кайсарбаев жаңы кабыл алынган мыйзамдар боюнча түшүндүрмө берип, суроолорго жооп берди.