Мечитке келген жарандарыбызга туура нуктагы маалымат берүү, коомдо диний маданиятты жогорулатуу, ханафилик-матуридиликти бекемдөө, ынтымак жана биримдикти жар салуу, жалпы эле ислам баалуулуктарын даңазалоо максатында бирдиктүү таравих баяндары башталды.
Ар бир күндүн темасы Кыргызстан мусулмандарынын Дин башкармалыгы тарабынан бекитилип айтыла турган таравих баяндары Ыйык Рамазандан соң да салттуу түрдө улантылмакчы. Кыргызстан мусулмандарынын Азирети Муфтийи Абдулазиз кары Закировдун тапшырмасынын негизинде ишке ашырылып жаткан бул демилге ыймандын жана ынтымактын ордосу болгон мечиттерде диний агартуу ишин күчөтүүнү көздөйт.
Эскерте кетсек, учурда өлкө боюнча 4020 миң мечит бар. Анын ичинен 1550 инде жума намазы окулат.