Ысык-Көл облусунун Каракол шаарындагы имамдар үчүн жаңы фатва жана мыйзамдарды элге туура жеткирүү максатында түшүндүрүү жыйыны өткөрүлдү.
Жыйынга Дин иштери боюнча мамлекеттик комиссиянын Ысык-Көл облусундагы өкүлү Асылбек Мамбетов, Ысык-Көл облусунун ички иштер башкармалыгынын экстремизмге жана мыйзамсыз миграцияга каршы аракеттенүү кызматынын башчысы, милициянын полковниги Нурлан Килебаев, ошондой эле Ысык-Көл облусунун казысы Самидин кары Атабаев катышты.
Жыйында жаңы чыккан фатвалар жана мыйзамдар тууралуу кеңири маалымат берилип, аларды элге кандай туура жеткирүү керектиги боюнча түшүндүрүү иштери жүргүзүлдү. Иш-чаранын негизги максаты – коомдук ынтымакты, укуктук сабаттуулукту жана дин кызматкерлеринин жоопкерчилигин жогорулатуу болуп эсептелет.