Ош облусуна караштуу Өзгөн районунун баш имам-хатиби Үсөн Маматтурсун уулу райондук ички иштер башкармалыгында мектеп окуучуларына «Зордук-зомбулуктун жана рэкетчиликтин алдын алуу максатында уюштурулган түшүндүрүү иш-чарасына катышты.
Иш-чарада баш имам-хатиб Үсөн Маматтурсун уулу мектеп окуучуларына Мекенди сүйүү, ата-энени сыйлоо, туура максат коюу жана адеп-ахлак темаларынын алкагында жасады.
«Жаш кездеги энергия, күч-кубат ашып турган чакта, аны туура пайдаланып, өзүңөрдү ар тараптуу өнүктүргүлө. Айта турган болсок, китеп окуп, сөз байлыкты ашыруу, кесиптик өнөрлөрдү өздөштүрүү ж.б пайдалуу иштер менен алек болуу керек. Анткени бекерчилик жаман иштерди жасоого түрткү болуусу мүмкүн. Ал эми убакытты туура пайдалануу адамга жакшы натыйжа берет», – деп өз насааттарын айтып өттү.
Айта кетсек, аталган иш-чара 17-мартка чейин улантылат.